Posted in Poetry

મુક્તક – ૧

ઉદાસી રાત છે ને હું, વધુ તું વાત ના કર,
નવા સંબંધની મારા થકી શરૂઆત ના કર;
મિલાવી ના શકું હું આંખ મારી જાત સાથે,
ગુનાહોની તું એવી રીતથી કબૂલાત ના કર.

Posted in Poetry

વરસમાં એકવાર…

વરસમાં એકવાર આ તહેવાર આવે છે.
દુનિયા ડૂબી હોય પોતાના જ રંગરાગમાં,
— ને, કોઈને મન બહાર આવે છે.
વરસમાં એકવાર —૦

કોઈ હાથ મિલાવી હેપ્પી બર્થડે કહે;
કોઈ મુબારકબાદ આપે છે,
– ને, દૂર વસતા મિત્રોના
ટેલિફોન તાર આવે છે.
વરસમાં એકવાર —૦

કેલેન્ડરમાં ક્યાંયે રજા નથી પડતી;
એના જેવી છતાંયે મજા નથી મળતી,
ન રમવા છતાંયે જીવનની કોઈ બાજી
આજે ‘વિજય’ બારોબાર આવે છે.
વરસમાં એકવાર —૦